懷孕33週3日 (肚團41吋😂😂)，已經踏入懷孕後期，嶠媽都開始覺得個肚好重，有時雞蛋仔仲會壓到我腳既神經，隻腳會突然好痛，行都行唔郁，上胎陀芊嶠都係後期時試過，所以都知道係正常，但都真係好痛😭😭
今日嶠媽同嶠爸去左觀塘The Wave參加Pre-mo 孕媽咪x出產準備，慶賀Happy Pregnancy開心大派對 (加場) 活動。地點係觀塘工業區入面，其實離地鐵站都好近，地點都好易搵到！
一入場，已經有四樣野比孕媽媽，會有本場刊 (千其唔好睇少佢，因為臨走係要靠佢拎孕媽咪安產福袋架🙈🙈)，仲有一張form，只要填左，就會送返《好媽咪 Baby-mo》3期雜誌比你，你仲可以簡就近你既7-eleven拎書，到時會寄返張書券比你去你預先簡左既7-eleven拎返！仲有一張即影即有影相券，可以拎住張券係返會場內影返張即影即有相，可以即時拎走😂😂最後一張係刮刮卡，用黎抽獎用既！嶠媽刮刮卡個字係「溫暖窩心」，最後抽中Grobag睡袋一個😊😊
場內仲有其他野玩，like Facebook page，之後再玩下小遊戲，就可以拎到禮物。Alphanova Hong Kong 搞既換尿片活動，要戴住一副眼鏡，戴左係會暈暈地既，之後就要幫bb包尿片，嶠媽係二胎媽媽，又點會難到我？如果兩夫婦一齊黎，就可以鬥快換，嶠爸梗係唔夠嶠媽黎啦😂😂😅😅SmartFish DHA Fish Oil - HK 就只要like Facebook page，就會送返咀嚼魚油一盒仔，但小朋友要3歲以上先食得，芊嶠雖然有食開，但佢食開成包茄汁包裝個隻。
再黎有 Ecomom.hk 介紹既愛兒4合1負離子UV消毒機，遊戲係係台面到搵兩樣唔可以放入消毒機既東西，嶠媽第一時間簡左電話，估唔到，連電話都擺得，反而係電池就唔得🙈🙈玩完仲有米之寶洗衣液試用裝一支。再去 Fisher-Price 到玩遊戲，係佢既四樣玩具到，配對返小朋友既發展需要，都幾好玩，玩完仲有 Mega Bloks 既7舊裝Lego送返。
仲有 gsk 介紹輪狀病毒既遊戲，仲有貼紙拎返，張貼紙係寫左幾時既打針時間表，政府同私家既唔同。仲有 Maltofet Fol 既補鐵劑，仲有遊戲係係唔同既食物入面，嗅下有咩食物，再估下邊隻食物鐵質最高！仲有個由日本dacco三洋舉辦既走路袋，袋袋平安遊戲，係台執4樣你覺得需要既用品入走路袋，嶠媽係二胎媽媽，當然冇難度啦🙊🙊
#孕媽咪x出產準備 #好媽咪 #happypregnancy #開心大派對 #加場
Search